10 кастрычніка 2021 г. — 95 гадоў з дня нараджэння Сяргея Аляксандравіча Ражкаўца (1926–2014), удзельніка Вялікай Айчыннай вайны, ганаровага грамадзяніна Іванаўскага раёна (2012)
Сяргей Аляксандравіч Ражкавец нарадзіўся 10 кастрычніка 1926 г. у в. Вулька-Махроўская Кобрынскага павета Гродзенскай губерні (цяпер Махроўскага сельсавета Іванаўскага раёна Брэсцкай вобласці) у сялянскай сям’і. Да вайны Сяргей скончыў 5 класаў польскай школы, а ў 1941 г. — 6 класаў савецкай школы. Падчас нямецка-фашысцкай акупацыі жыў у в. Вулька-Махроўская і хутарах в. Баландзічы, у 1943 г. родную вёску немцы спалілі (24 жылых і 35 гаспадарчых будынкаў, загубілі 5 чалавек).
21 снежня 2021 г. — 125 гадоў з дня нараджэння Канстанціна Канстанцінавіча Ракасоўскага (1896–1968), ваеннага дзеяча, двойчы Героя Савецкага Саюза (1944, 1945)
Канстанцін Канстанцінавіч Ракасоўскі ў сваіх аўтабіяграфіях згадваў, што нарадзіўся 21 снежня 1896 г. у Варшаве, пазней — г. Вялікія Лукі ў Расіі. І вось у 2021 г. на сваім афіцыйным сайце супрацоўнікі Нацыянальнага гістарычнага архіва Беларусі апублікавалі запіс з метрычнай кнігі Целяханскай царквы пра нараджэнне і хрышчэнне Канстанціна. Запіс быў адшуканы ўраджэнцам в. Соміна Івацэвіцкага раёна Брэсцкай вобласці Уладзімірам Міхайлавічам Абрамчуком, які шукаў у архіве вытокі ўласнага радаводу.
1 кастрычніка 2021 г. — 110 гадоў з дня нараджэння Пятра Фёдаравіча Бандарчука (1911–1996), удзельніка Вялікай Айчыннай вайны, поўнага кавалера ордэна Славы
Пётр Фёдаравіч Бандарчук нарадзіўся 1 кастрычніка 1911 г. у в. Забароўцы Пінскага павета Мінскай губерні (цяпер Лышчанскага сельсавета Пінскага раёна Брэсцкай вобласці) у сялянскай сям’і. Скончыў польскую пачатковую школу, працаваў у сельскай гаспадарцы. З пачаткам Вялікай Айчыннай вайны апынуўся на акупаванай тэрыторыі.
12 мая 2021 г. — 110 гадоў з дня нараджэння Дзмітрыя Кузьміча Барысава (1911–1975), удзельніка Вялікай Айчыннай вайны, ганаровага грамадзяніна г. Кобрына
Дзмітрый Кузьміч Барысаў нарадзіўся 12 мая 1911 г. у вёсцы Ясенкі Тульскай губерні (цяпер Тульскай вобласці). Працаваў машыністам урубавай машыны на шахце ў г. Анжэра-Суджанску Кемераўскай вобласці, на Кузбасе. У 1929 г. быў прызваны ў Чырвоную Армію.
2021 г. — 110 гадоў з дня нараджэння Міхаіла Макаравіча Шаўчука (1911–1994), удзельніка нацыянальна-вызваленчага руху ў Заходняй Беларусі, удзельніка Вялікай Айчыннай вайны
Міхаіл Макаравіч Шаўчук нарадзіўся ў 1911 г. у вёсцы Вялікія Якаўчыцы Кобрынскага павета Гродзенскай губерні (цяпер Жабінкаўскага раёна Брэсцкай вобласці).Бацька Макарый Давідавіч, малазямельны селянін, наймаўся ў парабкі; маці заўчасна памерла ў 1917 г. У сям’і было чацвёра сыноў — Зіновій, Васіль, Міхаіл, Павел — і дачка Ганна. Старэйшыя браты рана з’ехалі з вёскі ў пошуках заробку, сувязь з імі была страчана; з 1920 г. нічога невядома пра сястру Ганну. У час Вялікай Айчыннай вайны, у 1942 г., Паўла расстралялі немцы.
10 жніўня 2021 г. — 105 гадоў з дня нараджэння Арсенція Гаўрылавіча Юхнаўца (1916–1944), Героя Савецкага Саюза (1944)
Арсенцій Гаўрылавіч Юхнавец нарадзіўся 10 жніўня 1916 г. у вёсцы Бераснёўка Барысаўскага павета Мінскай губерні (цяпер Докшыцкага раёна Віцебскай вобласці) у сялянскай сям’і. Атрымаў пачатковую адукацыю, працаваў трактарыстам у Бягомльскай МТС.
28 снежня 2021 г. — 105 гадоў з дня нараджэння Паўла Паўлавіча Пагодзіна (1916–1983), мастака
Павел Паўлавіч Пагодзін нарадзіўся 28 снежня 1916 г. у вёсцы Дамашняя Ніжагародскай губерні (цяпер Княгінінскага раёна Ніжагародскай вобласці). Вучыўся ў Горкаўскім мастацкім вучылішчы (1935–1940) у А. В. Самсонава і М. Ф. Лісянкова. Дыпломная работа Паўла Пагодзіна — «Экскурсія ў Эрмітажы».
1 ліпеня 2021 г. — 125 гадоў з дня нараджэння Сяргея Пятровіча Пазднякова (1896–1949), удзельніка Вялікай Айчыннай вайны, Героя Савецкага Саюза (1943)
Сяргей Пятровіч Пазднякоў нарадзіўся 1 ліпеня 1896 г. у сяле Дзягцянка Казлоўскага павета Тамбоўскай губерні (цяпер Сасноўскага раёна Тамбоўскай вобласці) у сялянскай сям’і Пятра Пятровіча і Анастасіі Яфімаўны Паздняковых. Скончыў няпоўную сярэднюю школу. У 1918–1922 гг. — у Чырвонай арміі, удзельнік Грамадзянскай вайны, у 1919 г. скончыў камандзірскія курсы. У 1932 г. паўторна прызваны ў армію.
22 чэрвеня 2021 г. — 40 гадоў з дня Міжнароднай сустрэчы прадстаўнікоў грамадскасці ў сувязі з 40-годдзем нападзення фашысцкай Германіі на СССР (г. Брэст; 1981)
Міжнародная сустрэча прадстаўнікоў грамадскасці была арганізавана ў г. Брэсце невыпадкова, гэта была даніна памяці гераічнай абароне Брэсцкай крэпасці, дзе свой першы крок зрабіла Вялікая Айчынная вайна. Дата сустрэчы была прымеркавана да 40-годдзя з дня нападзення фашысцкай Германіі на Савецкі Саюз.
2021 г. — 115 гадоў з дня нараджэння Васілія Аляксеевіча Пятрова (1906–1967), удзельніка партызанскага руху ў Вялікую Айчынную вайну
Васілій Аляксеевіч Пятроў нарадзіўся ў 1906 г. у Маскве ў сям’і рабочага. З 1924 г. на камсамольскай, гаспадарчай і савецкай рабоце. У 1926 г. прыняты ў ВКП(б). У 1941 г. прызваны ў Чырвоную армію.